Turområdet Bøelva

Turområdet omfattar elvestrekninga frå Oterholtbrua til Gåra bru. Her er det merka stiar på begge sider av elva. Det er i hovudsak flatt terreng, som er lett å gå, omtrent heile året. Du kan gå på brei sti/veg omtrent heile vegen frå Oterholt til Gårabru på nordsida av elva. Mellom Oterholt og Folkestadbrua finn du mange kulturminne frå den gongen dette var Bø sentrum. Vi kallar området for Kulturstien. Kulturminna er godt dokumentert på Turkart Midt-Telemark. Du finn populære badeplassar ved Kvennøya, Vaskarbergja og Gårabru. Turområdet er lett å nå til fots, med sykkel eller buss. Det er kort veg frå Bø sentrum.

Vegen fram til parkeringsplassane

For dei som vil bruke bil er det parkeringsplassar både ved Bø museum, Folkestadbrua og Gårabrua. Bø Museum på Oterholt er utgangspunkt for «Kulturstien» frå vest. Folkestadbrua er utgangspunkt for «Kulturstien» frå aust. Stien austover går langs elva til Gårabru.

Parkering ved Bø museum

Frå rundkøyringa i Bø sentrum køyrer du 0,4 km vestover på R36 Seljordsvegen, sving til høgre mot Oterholt ved Circle K, sving til høgre inn på stor parkeringsplass ved Bø Museum, til saman 2,7 km frå Bø sentrum.

Parkeringa ved Folkestadbrua.

Frå rundkøyringa i Bø sentrum køyrer du 1,7 km på Folkestadvegen mot Notodden. Parkering til høgre rett etter brua.

Parkering ved Gåra bru

Frå rundkøyringa i Bø sentrum følgjer du Bøgata 0.6 km mot Gvarv og svingar ut på Valenvegen. Ta til venstre er inn på Grivimoen industriområde 1.3 km frå sentrum. Nå tar du straks til høgre på Televegen og til høgre igjen på Elvefaret til parkeringsplassen 1.8 km frå sentrum. Det er ein rasteplass ved Bøelva.

Kart 

Merka- og umerka stiar er oppdatert frå og med 2020.

• Dei merka turstiane finn du på trykt Turkart Bø, 2011.
• Ta med deg alle turstiane til Bø Turlag og Gvarv Turlag ut på mobilen Les meir….
• Vi har også prøvd å lage vintergåløype på delar av Kulturstien, men snøen ser ut til å svikte oss dei seinaste åra. Les meir…

Foto: Arne W Hjeltnes