Haugesagbrua

Den fyrste brua er frå langt attende i tida da det var stor ferdsel langs allmannvegen som gjekk mellom Oterholt og Hørte. Dette var i si tid ein viktig ferdselsveg på nordsida av vassdraget frå Sanda til Oterholt – Hellos – Gårahaug – Mannebru og Hørte. Her for dei over med trekol frå Liheia til «Håmmårverket» på Hørte fram til 1839, da verket brant. Myllarguten og andre spelemenn for over  her på sine reiser.

Brua blei bygd en gong før 1848  og blei kalla Nedre Juvsåbru. Fleire gonger gjennom 100 åra vart brua reparert og ombygd. Vegvesenet planla ny bru i 1926/27. Men vegen vart i staden nedlagt som offentleg ferdselsveg i 1935 etter at nyvegen over Folkestadbrua vart ferdig i 1924.

Turlaget bygde ei enkel gangbru i rundt 1980 da den gamle brua vart riven. Ei ny bru vart opna 7. september 2016. Sjå bildet under.

---

Kulturstien er eit samarbeid mellom
Bø museum og Bø Turtlag